 |
| سید ابوالحسن علی ندوی |
سید ابوالحسن علی ندوی ؒ ندوة العلماءلکھنو اور دارالعلوم دیوبند سے تعلیم حاصل کرنے کے بعد صرف 20 سال کی عمر میں ندوة العلماءلکھنوءمیں عربی ادب اور تفسیر و حدیث کے استاد کے منصب پر فائز ہوگئے ،اس دوران مصر اور دیگر ممالک سے شائع ہونے والے نامور رسائل و جرائد میں آپ کے عربی زبان میں مضامین شائع ہونے لگے۔ آپؒ نے سینکڑوں علمی و ادبی اور تاریخی کتب تصنیف کیں ،اور شاعر اسلام علامہ محمد اقبال کوعرب دنیا میں متعارف کرانے میں آپ نے ہی بنیادی کردار ادا کیا اور علامہ محمد اقبال کی شخصیت وشاعری پرفصیح عربی زبان میں اس قدر خوبصورت انداز میں لکھا کہ عرب دنیا بھی علامہ اقبال کی گرویدہ ہوگئی عراق،شام، مصر اوردیگر ممالک کے نامور ادباءاور علمی شخصیات کی ”مجلس امناء“میں یہ اعلان کیا گیا کہ سید ابو الحسن علی ندویؒ کی تحریریں پڑھ کرہمیں یہ محسوس ہوتا ہے کہ اقبال آج ہمارے لیے زندہ ہوا ہے۔
سید ابوالحسن علی ندویؒ ”رابطہ عالم اسلامی“ سمیت درجنوں تنظیموں اور اداروں کے ممبر و سرپرست تھے آپ اسلامی ادیبوں کی عالمیگیرتنظیم ”عالمی رابطہ ادب اسلامی “ کے بانی و سرپرست بھی تھے جوکہ پوری دنیا میں اسلامی ادب کے فروغ اور مسلم ادیبوں کو متحد و منظم کرنے کیلئے سرگرم عمل ہے۔ ان کو اعلی خدمات کے اعتراف میں بڑے بڑے اعزازات اور ایوارڈوں سے نوازا گیا ،